သမီးလေးကို ခေါ်ဆောင်သွားတဲ့ ဗိုလ်မှူးကြီး စောဆန်းအောင် နဲ့ မေးမြန်းခန်း
8 April 2014 02:07(+0630) (လွန်ခဲ့သော 9 နာရီ ခန့်က)
ဧပြီလ ၂ ရက်နေ့က နေထိုင်စရာ အခက်အခဲဖြစ်နေတဲ့ ရန်ကုန်တိုင်း လှည်းကူးမြို့နယ်က သမီးလေးကျေးရွာသားတွေကို ဒီကေဘီအေ တပ်ဖွဲ့မှ ထိုင်းမြန်မာနယ်စပ်မှာ နေရာထိုင်ခင်းပေးဖို့ သွားရောက် ခေါ်ဆောင်ခဲ့ပါတယ်။ အိမ်ထောင်စု ၈၂ စု လူဦးရေ ၂၀၁ ဦးပါတဲ့ ရွာသားတွေကို သယ်ဆောင်လာရာ ခရီးစဉ်တလျောက် ရန်ကုန်တိုင်း ၊ ပဲခူးတိုင်း ၊ မွန်ပြည်နယ်၊ ကရင်ပြည်နယ် စတဲ့ ဒေသတွေကို ဖြတ်သန်းလာခဲ့ရာမှာ ကြုံတွေခဲ့ရတဲ့ အခြေအနေတွေကို ရွာသားတွေကိုသယ်ဆောင်ရာမှာ ဦးဆောင်ခဲ့သူတဦးဖြစ်တဲ့ ဒီကေဘီအေ အဖွဲ့မှ ဗိုလ်မှူးကြီး စောဆန်းအောင် ကို မေးမြန်ထားတာ ဖြစ်ပါတယ်။
ရွာသားတွေကို သယ်ဆောင်တဲ့အခါမှာ ဘယ်လို့ အခက်အခဲတွေနဲ့ ရင်ဆိုင်ခဲ့ရလဲ ...
သယ်ဆောင်ပြီး ဖြတ်လာရတဲ့ အခက်အခဲတွေဟာဆိုရင် ကျနာ့် ဘဝ ဖြတ်သန်းမှုအရ စစ်မြေပြင်မှာ ရန်သူ လေးဘက်လေတန် ပိတ်ဆို့တာတောင်မှ ဒီလောက်ထိ မပင်ပန်းဘူး၊ ဒီ သမီးလေးရွာသူ ရွာသားနဲ့ ဒီသုံးရက် လေးရက်ခရီးစဉ်ဟာ ကျနော်အတွက် အရမ်းပင်ပန်းတယ်၊ လူလည်းပင်ပန်း စိတ်လဲပင်ပန်း၊ နောက်ပြီး တဖက်ကလည်း အားရှိတယ်၊ ဘာကြောင့်လဲဆိုတော့ လူမှုကွန်ယက်အသီးသီး ပါတီအသီးသီး ဒေသခံ ပြည်သူတွေ ပေါင်းစည်းပြီးလုပ်တဲ့အခါကြတော့ ကျနော့်အတွက် အရမ်းအားရှိတယ်၊ ဒီိကိစ္စဟာ ကျနော်တို့ တဖွဲ့တည်းပဲ နယ်စပ်အရောက်သယ်ရမယ် ဆိုလို့ရှိရင် ဘယ်လိုမှ မရောက်နိုင်ဘူး၊ ရောက်ရှိတဲ့ နေရာမှာ ပြည်သူတွေက ပံ့ပိုးကူညီတဲ့အတွက် အောင်မြင်တာပါ၊ လူထုသာမကူညီဘူးဆိုရင် နယ်စပ်ကိုရောက်ဖို့ အကြောင်းမရှိဘူး။
လမ်းခရီးတလျောက်မှာ အာဏာပိုင်တွေရဲ့ ဘယ်လို ပံ့ပိုးကူညီတာတွေ ရှိခဲ့လဲ ...
လက်ရှိ အာဏာပိုင်ရဲ့အကူအညီကတော့ ဒုံသမိတံတား ကရင်ပြည်နယ် မွန်ပြည်နယ်အစပ်မှာ ကရင်ပြည်နယ်အစိုးရက တနေကုန် တားဆီးထားတာကို ခံရတယ်။ ဘယ်လိုမှ ပြောလို့မရဘူး၊ ဆရာတော်တပါးကလည်း ကားနဲ့မပေးသွားဘူးဆိုလို့ရှိရင် လမ်းလျောက်မယ်၊ အစ်မကြီး နော်အုံးလှ ဆိုလို့ရှိရင် မပေးသွားရင် ကားတွေပေးပြန်လိုက်၊ ပစ္စည်းတွေဆွဲချ ဆိုပြီး ချလိုက်တယ်၊ မိုးကလည်းချုပ်လာတယ်၊ ရှေ့ဆက်တိုးဖို့က တိုးမရဘူး၊ အနောက်ပေးပြန်တယ်၊ သမီးလေးရွာသားတွေကလည်း ပြန်လှည့်ဖို့က လုံးဝလက်မခံဘူး၊ ပေးပြန်မယ်ဆိုရင် သူတို့ကို ဒီမှာပဲထားခဲ့တဲ့၊ ထားခဲ့ဖို့ကလည်းမဖြစ်ဘူးဗျ၊ သူတို့က ဒီနေရာမှာပဲ ဆန္ဒပြမယ်၊ ကျနော့်အမြင်က ဒီလူတွေဟာ ဒီနေရာမှာ ဆန္ဒပြလို့ မဖြစ်နိုင်ဘူးလို့ ယူဆတယ်၊ သူတို့မှာ ကလေးငယ်လေးတွေပါတယ်၊ လေဖြတ်ထားတဲ့လူတွေပါတယ်၊ ကိုယ်ဝန်ဆောင်မိခင်တွေပါတယ်၊ ဖျားနာတဲ့လူတွေလဲပါတယ်၊ သူတို့ ဒီနေရာမှာ ဆန္ဒပြမယ်ဆို ဖြစ်လာမယ့် အခြေအနေက စိုးရိမ်ရတယ်၊ အဲဒါနဲ့သူတို့ကို ငဲ့ပြီးစောင့်တယ်၊ အချိန်တွေကုန်လာတယ် ထမင်းတွေလည်း မစားရသေးဘူး၊ အဲဒါနဲ့ ကျနော်က ကရင်ပြည်နယ်ဝန်ကြီးချုပ်ကို ဘုရားဖူးမယ်ဆိုပြီးတော့ တင်ပြတယ်၊ ဒီလူတွေက ရောက်တုန်းရောက်ခိုက် တနေရာရာမှာ နားမယ်ပေါ့၊ အနီးအနားက ကျိုက္ခမီ ဘုရားဖူးမယ်ပြောတယ်၊ ဘုရားဖူးမယ်ဆိုသွားလို့ရတယ်၊ လိုအပ်တဲ့အကူအညီပေးမယ်ဆိုပြီးတော့၊ ဘားအံအဖြောင့်လမ်းကပဲ သွားခိုင်းတယ် ဘားအံကို မဝင်ခိုင်းဘူး၊ အဲဒါနဲ့ ဘားအံအဖြောင့်လမ်းကနေ ဇာသပြင်တံတားမှာ ကျနော်တို့နဲ့ပါလာတဲ့ ၁၂ ဘီးကားပေးကူးခွင့်ပြုတယ်။ နောက်ပြီးတော့ သမီးလေးရွာသားတွေ အတွက် ဘုရားဖူးဖို့ အလှူငွေဆိုပြီး ကရင်ပြည်နယ်ဝန်ကြီးက ငွေငါးသိန်းလှူ တယ်ဗျ။
ခရီးစဉ်မှာ လူအင်အား ဘယ်နှဦးလောက် လိုက်ပါလာခဲ့ပါသလဲ
သမီးလေးရွာသား ၂၀၀ ကျော်ပါလာတယ်။ လိုက်ပို့တဲ့ အဖွဲ့အစည်းတွေ သတင်းထောက်တွေကလည်း နှစ်ဆယ် သုံးဆယ်လောက်ပါတယ်။ ကျနော်တို့ ရဲဘော်တွေလည်းပါတယ်။
လိုက်ပါလာတဲ့ သမီးလေးရွာသားတွေအတွက် ဘယ်လိုအစီအမံတွေများ ပြင်ဆင်ထားလဲ ...
သမီးလေးရွာသားတွေကို ကျနော်တို့ နဂိုပေးထားတဲ့ ဂတိအတိုင်းပေါ့၊ ကျောက်ခက်ရွာမှာ နေရာချထားပေးမယ်၊ ကျနော်မှာ ဘယ်ပရော့ဂျက်မှ မရှိဘူး၊ ဘယ်ခရိုနီဆီမှလည်း ကျနော်တို့ အသနာမခံဘူး၊ ကိုယ့်မှာရှိတဲ့ ဒေသခံပြည်သူတွေနဲ့ သူတို့ကို ရပ်တည်သွားနိုင်အောင် စောင့်ရှောက်ပေးသွားမယ်၊ ဒီလူတွေ ထမင်းမငတ်အောင်တော့ ကျနော် အပြည့်အဝ အာမခံတယ်၊ သူတို့နေမယ့် အဆောက်အဦအတွက်ကတော့ အားလုံးပါဝင်ပြီး တလုံးချင်း အလည်းကျ ဝိုင်းဝန်းဆောက်ကြမယ်၊ လိုအပ်တဲ့ သစ်တို့ ဝါးတို့ကို ကျနော်တို့က သယ်ပို့ပေးမယ်၊ အခု ကျနော်တို့ အမိုးအတွက် ဖတ်သုံးသောင်းကြိုမှာထားတယ်၊ လွယ်ကူတဲ့နေရာမှာ သစ်ဝါးခုတ်ပြီး သယ်ဖို့ကို ကျနော်တို့ တာဝန်ယူပေးမယ်၊ လောလောဆယ် မြေနေရာ ပေ ၄၀-ပေ ၆၀ အကွက် ၈၀ ရိုက်ထားတယ်။
သမီးလေးရွာကိစ္စနဲ့ ပတ်သက်ပြီး ဒီကေဘီအေ အဖွဲ့က ဗိုလ်မှူးကြီးဆန်းအောင်ဟာ အပစ်ရပ်ငြိမ်းချမ်းရေးစာချုပ်ထဲမှာ မပါဝင်တဲ့ ကိစ္စတွေ ဆောင်ရွက်နေအတွက် အပြစ်ရှိတယ်ဆိုပြီး ကရင်ပြည်နယ်အစိုးရက ထုတ်ပြန်ပေးပို့ထားတဲ့ စာတွေနဲ့ပတ်သက်ပြီး ဘာများပြောချင်ပါသလဲ
မတရားတဲ့ဥပဒေ ၊ ဒီမိုကစီမကျဘဲ ရေးထားတဲ့ ဥပဒေဆိုလို့ရှိရင် ကျနော်မှာ အပြစ်ရှိတယ်လို့ သူတို့ယူဆကြမှာပေါ့။ ဒီမိုကရေစီကျကျရေးဆွဲထားတဲ့ စစ်မှန်တဲ့ဥပဒေ နဲ့ ကြည့်ရင် ကျနော် လုပ်ခဲ့တဲ့ ဒီလုပ်ရပ်ဟာ အပြစ်လို့မြင်စရာ အကြောင်းမရှိဘူး၊ ကျနော့်မှာ အပြစ်ရှိမယ်ဆိုရင် နိုင်ငံတကာရဲ့ ခုံရုံးမှာ စစ်ဆေးမေးမြန်နိုင်တယ်၊ အပြစ်ရှိတယ်ဆိုရင် ထောင်ထဲထဲ့လိုက်ပါ ရတယ်။ ဒီရွာသားတွေကို ကယ်တင်ဖို့ အသက်နဲ့လဲရမယ်ဆိုရင်လည်း ရတယ်၊ ဒါပေမဲ့ လက်တလုံးခြားလုပ်ထားတဲ့ ၂၀၀၈ ဥပဒေအမြင်မျိုးနဲ့ သမီးလေးရွာသားတွေကို ကူညီတဲ့ကိစ္စကို အပြစ်မြင်တာကိုတော့ လက်မခံနိုင်ဘူး။
လို့ ဖြေကြားသွားပါတယ်။
၂၀၁၄ ခုနှစ် ဖေဖော်ဝါရီလဆန်းပိုင်းက စစ်တပ်ပိုင် နယ်မြေဟုဆိုကာ ရန်ကုန်တိုင်း လှည်းကူးမြို့နယ် သမီးကလေး၊ အုတ်ဖို၊ အင်းမတီး၊ လတ်ကျိုက်၊ ထီးပနာ၊ တောင်လုံးမြောင်၊ ထော်ကာလီ စတဲ့ ရွာပေါင်း ၆ ရွာ ဖျက်စီးခံခဲ့ရပြီး မြေမဲ့ ယာမဲ့ ဘဝကို ရောက်ခဲ့ရသူတွေ ဖြစ်ပါတယ်။ ပြီးခဲ့တဲ့ ဧပြီးလ ၅ ရက်နေ့က သမီးလေးရွာသားတွေက ထိုင်းမြန်မာနယ်စပ် ကျောက်ခက်ရွာကို ရောက်ရှိလာကြပြီဖြစ်ပြီး၊ စားသောက်နေထိုင်ရေးအတွက် ကာလတခုထိ ဒီကေဘီအေ အဖွဲ့က တာဝန်ယူ ဆောင်ရွက်ပေးသွားမှာ ဖြစ်ကြောင်း သိရှိရပါတယ်။
သံပုရာသီးလေးတွေရဲ့ အသုံးဝင်ပုံ
Tuesday, April 08, 2014
ခံတွင်း ကျန်းမာရေး .....
သံပုရာသီးဟာ သွားကို ဖြူစေပါတယ်။ သံပုရာသီးအခွံကိုဆား (တကော်စာ)နဲ့ ရောပြီး ပွတ်ပေးရင် သွားကို ဖြူစေရုံတင်မကဘူး။တောက်ပစေပါတယ်။
ခံတွင်းအနံ့ မကောင်းတာလည်း ပျောက်စေပါတယ်။ သွားကိုက်နေရင်လည်း သံပုရာရည်နဲ့ ပလုတ်ကျင်းပေးပါ။
နှုတ်ခမ်းကွဲခြင်း .....
မျက်နှာလိမ်းခရင်မ်တစ်ဇွန်း (လက်ဖက်ရည်သောက်ဇွန်း) နဲ့ လိမ္မော်ရည်၊ ပျားရည်တို့ကို ရောစပ်ပြီး လိမ်းပေးပါ။ တစ်ပတ်လောက် လိမ်းရုံနဲ့ သိသာ ထင်ရှား ပျောက်ကင်း သွားပါလိမ့်မယ်။
ဆံပင်ကျွတ်ခြင်း .......
အုန်းရည်လေးဇွန်း (စားပွဲတစ်ဇွန်း)နဲ့ သံပရာရည်တို့ ရောစပ်ပြီး တစ်ပတ်တစ်ခါလောက် လိမ်းပေးရင် ဆံပင်ကျွတ်တာ ပျောက်ကင်း စေပါတယ်။
ဦးရေပြား ယားယံခြင်းနှင့် ဒဏ်ပျောက်ဖို့အတွက် ....
ကြက်ဥအကာရည်နှင့် သံပရာရည် (သံပုရာသီးတစ်လုံးစာ) တို့ရောပြီး ဆံနွယ်အမြစ်ကနေ လိမ်းပေးပါ။ တစ်နာရီခန့်ကြာမှ ရေနဲ့ ပြန်ပြီးဆေးကြောပေးပါ။
တစ်လလောက် လုပ်ပေးရုံနဲ့တင် ဦးရေပြားသန့်ရှင်းပြီး ဗောက်၊ ဒက်တို့ ကင်းစင်သွားပါလိမ့်မယ်။
အသားအရေခြောက်သွေ့ခြင်းအတွက် .....
ငှက်ပျောသီးမှည့်တစ်လုံးကိုယူပြီး ချေပေးပါ။ ပြီးရင်တော့ လတ်လတ်ဆတ်ဆတ် သံပုရာရည် တစ်စက်နှစ်စက်နဲ့ ချေထားတဲ့ ငှက်ပျောသီးတို့ကို ရောစပ်ပေးပါ။
ပြီးရင်တော့ မျက်နှာနဲ့ လက်ကို လိမ်းပေးရမှာ ဖြစ်ပါတယ်။ အသားအရေကို ချောမွေ့ သန့်ရှင်း စေပါတယ်။
နောက်တစ်နည်းကတော့ ပျားရည်တစ်ဇွန်း (လက်ဖက်ရည်ဇွန်း) ကို ဟင်းသီးဟင်းရွက် ဆီနဲ့ရောပေးပါ။ ပြီးရင် သံပုရာရည်တစ်စက် လောက်နဲ့ ထပ်ရောပြီး လက်တွေ၊
တံတောင်ဆစ်တွေ၊ ခြေဖနောင့်တွေနဲ့ ကြမ်းထော်နေတဲ့နေရာတွေကို လိမ်းပေးပါ။ လိမ်းပြီးရင် ဆယ်မိ နစ်လောက် စောင့်ပေးပါ။ သံပုရာသီးဟာ အရေပြားအလှအပအတွက်
အကောင်းဆုံးပေးစွမ်းစေနိုင်တဲ့ သစ်သီးပဲ ဖြစ်ပါတယ်။ အထူးသ ဖြင့် ဝက်ခြံနဲ့ ယားနာတွေ ကို ပျောက်ကင်းစေတဲ့သတ္တိရှိပါတယ်။ မှဲ့ခြောက်တွေကိုလည်း ပျောက်ကင်း
စေပါတယ်။ သံပုရာရည်နဲ့သာ လိမ်းပေးရမှာ ဖြစ်ပါတယ်။
အဆီပြန်တဲ့အသားအရေပိုင်ရှင်များအတွက် ......
သံပုရာရည်နှစ်ဇွန်း (လက်ဖက်ရည်ဇွန်း)၊ နနွင်းမှုန့် ဇွန်းဝက်ခန့် (လက်ဖက်ရည်ဇွန်း) တို့ကိုယူပါ။ သင်္ဘောသီးစိတ်ကိုချေပြီး ပျော့ဖတ် သဖွယ် ရအောင်လုပ်ပါ။ ယင်းသင်္ဘောသီး ရည်ကို သုံးဇွန်းခန့် ယူပါ။ အားလုံးကို ရောစပ်ပြီး မျက်လုံးကလွဲရင် မျက်နှာတစ်ပြင်လုံးကို လိမ်း ပေးရမှာ ဖြစ်ပါတယ်။ လိမ်းပြီး မိနစ် ၂၀ ခန့်ကြာအောင် စောင့်ပေးပါ။ ပြီးမှ ရေနဲ့ စ်ဖန် ပြန်ဆေးကြောပေးပါ။
တံတောင်ဆစ်မည်းခြင်းအတွက် ......
သံပရာသီးအခွံနဲ့ ပွတ်ပေးပါ။ ပြီးရင်ရေနဲ့ ဆေးပေးပါ။ နည်းနည်းတော့ကြာပေမယ့် အရေပြားကို သန့်စင်သွားပြီး တောက်ပြောင်ဝင်း လက်လာ ပါလိမ့်မယ်။ တချို့ အသားအရေ
တွေဟာ မှောင်မှောင်မှိုင်းမှိုင်းနဲ့ ခြောက်ခြောက်သွေ့သွေ့ဖြစ်နေတတ်ပါတယ်။ အရောင်အဝါ လင်းလက်ချင်တယ် ဆိုရင်တော့ လတ်လတ်ဆတ်ဆတ် သံပုရာသီး တစ်လုံးရဲ့ အရည်နဲ့ မျက်နှာမကျန် ခန္ဓာကိုယ် အနှံ့ အိပ်ရာမဝင်ခင် ပွတ်လိမ်းပေးပါ။ မနက်ကျမှ ရေချိုးပေးပါ။ အရေပြားကို တောက်ပြောင်ရွှန်းလဲ့စေပြီး နူးညံ့စေပါတယ်။ အိပ်ရတာ စေးထန်းထန်းနဲ့ မအိပ်ချင်ဘူးဆိုရင်တော့ ရေချိုးတဲ့အခါမှာ ချိုးမယ့်ရေထဲ သံပုရာရည်တစ်ခွက်တစ်ဝက်ခန့် ထည့်ပြီး အဲဒီ့ရေနဲ့စိမ်ချိုးပေးပါ။
လက်သည်းဆေးစွန်းတာ ဖျောက်ချင်ရင် ....
သံပုရာသီးစိတ် (သို့) သံပရာရည်ကို ရေထဲရောပြီး လက်ကိုစိမ်ပေးပါ။ လက်သည်းမှာ ပေနေတဲ့ အစွန်းအထင်းတွေကို ချက်ခြင်းချေ ချွတ်ပေးသွား ပါလိမ့်မယ်။
ပြီးသွားရင် လက်သည်းကို ပြန်ဆိုးမယ်ဆိုရင်လည်း ပိုပြီးတောက်ပြောင်လာပါလိမ့်မယ်။သံပုရာရည်ထဲ လက်သည်း ခြေသည်းကို ဆယ်မိနစ်ခန့် စိမ်ပေးပါ။ ပြီးလို့ရှိရင် ဘရက်ရ်ှနဲ့ လက်သည်း၊ ခြေသည်းကို ပြန်ပွတ်တိုက်ပေးပါ။ ပြီးမှ ရေနွေး နွေးနဲ့ ဆေးကြောပေးပါ။ ဒီနည်းဟာ လက်သည်းကို သန်စွမ်းစေပြီး တောက်ပြောင်စေပါတယ်။ ဖြစ်နိုင်ရင် ဗင်နီဂါဖြူ ဇွန်းဝက်ခန့်နဲ့
ရေနွေးတစ်ဝက်တို့ ရောပြီး ဘရက်ရ်ှနဲ့ တိုက်ပေးရင် ပိုကောင်းပါတယ်။
ခြေထောက် .....
သံပုရာရည်တစ်ခွက်စာ (ကော်ဖီခွက်တစ်ခွက်စာ)၊ သစ်ဂျပိုး(အနံ့အတွက်)၊ သံလွင်ဆီ နှစ်ဇွန်း (စားပွဲတင်ဇွန်း)၊ နွားနို့လေးပုံတစ်ပုံ (ခွက်တစ်ခွက်)၊ ရေသန့် (ရေကို သင့်တော်သလို ထည့်နိုင်ပါတယ်၊ အနည်း၊ အများ အရေးမကြီးပါ) တို့ရောစပ်ပေးပါ။ တကယ်လို့ သစ်ဂျပိုး မသုံးချင်ဘူးဆိုရင် တခြားအနံ့ ပစ္စည်းတို့ သုံးနိုင်ပါတယ်။ နှင်းဆီပွင့်ချပ် တို့ဖြင့်လည်း အစားထိုး အသုံးပြုနိုင်ပါတယ်။ အားလုံးရော စပ်ပြီးရင်တော့ အဲဒီ့အရည်ကို ခြေထောက်စိမ်ပေးရမှာ ဖြစ်ပါတယ်။ ပြီးသွားမှ ရေနဲ့ ဆပ်ပြာ (Mild) နဲ့ သေချာဆေးကြောသန့်စင်ပေးပါ။
တစ်ပတ်လောက်လုပ်ကြည့်လိုက်တာနဲ့ ခြေထောက် အသားအရေဟာ သိသိသာသာချောမွေ့လာပါလိမ့်
မယ်။
နွေအပူမှာ ချွေးထွက်သက်သာအောင် အကောင်းဆုံးသစ်သီး
ပူပြင်းခြောက်သွေ့တဲ့နွေရာသီလို ဥတုမျိုးမှာ ချွေးထွက်သက်သာအောင်ပဲ ဖြစ်ဖြစ်၊ ရင်ပူသက်သာအောင်လုပ်ဖို့ပဲ ဖြစ်ဖြစ် သံပုရာ သီးရည်ကို ပျားရည်တစ်ဇွန်းနဲ့ရောပြီး သောက်ပေးပါ။ သွေးလေလည်ပတ်မှုကို ကောင်းမွန်စေရုံမျှမက ချွေးထွက်ခြင်း
ကိုလည်း သက် သာစေပါတယ်။ သံပုရာသီးထဲမှာ ပါရှိတဲ့ ဂလူးကိုစ့်နဲ့
သတ္တုဓာတ်တွေကြောင့် ခန္ဓာကိုယ်ကို ချွေးထွက်ခြင်းမှ ကာကွယ်ပေးတဲ့အပြင် အေးမြအောင်လည်း စွမ်းဆောင်ပေးပါတယ်။
0 comments:
Post a Comment